O‘ZBEKISTONNING JSTGA INTEGRATSIYALASHUVI SHAROITIDA YASHIL TADBIRKORLIKNI RIVOJLANTIRISH VA MAKROIQTISODIY BARQARORLIKNI TA’MINLASH
Saodat Saydullaeva
Ushbu maqolada O‘zbekiston Respublikasining Jahon savdo tashkiloti (JST)ga a’zo bo‘lish jarayoni doirasida milliy iqtisodiyotning raqobatbardoshligini oshirish, yashil iqtisodiyot va yashil tadbirkorlik subyektlarini qo‘llab-quvvatlash hamda makroiqtisodiy barqarorlikni saqlab qolish masalalari chuqur tahlil qilinadi. Tadqiqotda JSTning Savdoda texnik to‘siqlar (TBT), Sanitariya va fitosanitariya choralari (SPS) hamda Subsidiyalar va kompensatsiya choralari to‘g‘risidagi bitimlari (SCM) talablariga moslashish mexanizmlari, Yevropa Ittifoqining Transchegaraviy uglerod mexanizmi (CBAM) kabi tashqi xatarlarning O‘zbekiston eksport salohiyatiga ta’siri ekonometrik va empirik ma’lumotlar asosida baholangan. Shuningdek, respublikada qayta tiklanuvchi energiya manbalari (QTEM), energiya samaradorligi, yashil taksonomiya va ESG tamoyillarini joriy qilish orqali inflyatsiya, fiskal taqchillik va to‘lov balansi barqarorligini ta’minlash bo‘yicha aniq ilmiy-amaliy taklif va xulosalar ishlab chiqilgan.